ប្រធានក្លិប Real Madrid វ័យ ៧៣ ឆ្នាំ តេស្តិ៍ឃើញកូវីដ ១៩ ប្រភេទថ្មី

នៅថ្ងៃពុធ ទី ០៣ ខែកុម្ភៈ ឆ្នាំ ២០២១ កន្ងងទៅនេះ ក្លិបបាល់ទាត់ Real Madrid បានប្រកាសថា នាយកក្លិបបាល់ទាត់មួយនេះ គឺលោក Florentino Perez បានឆ្លងកូវីដ ១៩ ប្រភេទថ្មី ។ តែក្លិបមិនបានបញ្ជាក់ទេថាលោកបានឆ្លងមេរោគនេះពីណាឡើយ ។

ស្ថិតនៅក្នុងវ័យ ៧៣ ឆ្នាំ មេធំរបស់ ​Real Madrid រូបនេះ ត្រូវបានគ្រូពេទ្យចាត់ទុកថាស្ថិតនៅក្នុងវ័យដែលគ្រោះថ្នាក់បំផុត ។ ក៏ប៉ុន្តែនៅពេលបច្ចុប្បន្ន ក្លិបបានប្រកាសថា លោកនៅមានសុខភាពល្អនៅឡើយ ហើយសង្ឃឹមថានឹងឆាប់ជាសះស្បើយនាពេលខាងមុខនេះ ។

ចំពោះស្ថានភាពបច្ចុប្បន្នលោកកំពុងតែដាក់ឱ្យនៅដាច់ដោយឡែក ដោយមានមិនចេញរោគសញ្ញាអ្វីឡើយ ដោយគ្រូពេទ្យថាលោកនឹងអាចត្រលប់ទៅធ្វើការបានដូចដើមនៅ ២ សប្តាហ៍បន្ទាប់ប្រសិនបើតេស្តិ៍ឃើញថាអវិជ្ជមាន ៕

ប្រភពៈ footballespana