ព្រោះមូលហេតុនេះ ទើប Kan និង ភរិយានាំគា្នស្លៀកឈុត PPE បិទមុខដូចនិនចា

តារាសម្ដែង និង ពិធីករ Kan ត្រៀមនឹងក្លាយជាឪពុកគេឆាប់ៗនេះ ហើយពេលនេះដែរភរិយាសំណព្វចិត្តលោកកំពុងត្រៀមខ្លួន និង កៀកដល់ថ្ងៃសម្រាលហើយដែរ ។

ខណៈពេលនេះប្រទេសថៃកំពុងតែផ្ទុះការឆ្លងជំងឺកូវីដ-១៩ ជាលើកទី ២ ដោយពេលនេះរដ្ឋាភិបាលថៃកំពុងតែចាត់វិធានការទប់ស្កាត់យ៉ាងតឹងរឹងដើម្បីបង្ការមិនឱ្យមានអត្រាអ្នកឆ្លងច្រើនក្នុងប្រទេស។

ទន្ទឹមនឹងនេះដែរ សម្រាប់តារាសម្ដែង និង ពិធីករ លោក Kan ឆ្លៀតក្នុងឱកាសដែលពេលនេះលោកពុំសូវជាមមារញឹកការងារខ្លាំង លោកក៏បាននាំភរិយាទៅលេងកម្សាន្ត សម្រាកលំហែកាយនៅឯកោះសាមុយ ក្នុងខេត្ត Surat Thani ។

យ៉ាងណាមិញ ដោយសារតែស្ថិតក្នុងពេលជំងឺកូវីដ-១៩ កំពុងតែវាយលុកខ្លាំង ក្នុងនោះដែរ បើងាកទៅមើលការតែងខ្លួនដើរលេងកម្សាន្តរបស់គូស្វាមីភរិយាតារា និង ពិធីកររូបនេះ បាននាំគ្នាស្លៀកនូវឈុត PPE ដើម្បីការពារពីការឆ្លងជំងឺកូវីដ-១៩ ដែលបិទមុខជិតប្រៀបដូចតួអង្គនិនចាក្នុងរឿងចិន មើលមិនចង់ស្គាល់ពាក់ឡើងយន្ដហោះ ។

បន្ទាប់ពីឃើញការតែងខ្លួនបែបនេះ មានមិត្តៗសិល្បៈ និង អ្នកគាំទ្រថៃជាច្រើនរបស់លោកបានចូលទៅអួតសរសើរដល់លោកដែលបានការពារខ្លួនបានយ៉ាងល្អ ព្រមទាំងជូនពរឱ្យលោក និង ភរិយាធ្វើដំណើរកម្សាន្តដោយសុវត្ថិភាព ៕