ឆ្វាក់ណាស់! ធ្លាយការពិត Pat បែកពីសង្សារប៉ូលិសសង្ហាមែន ហើយពេលនេះកំពុងមានអ្នកថ្មីស្អំបេះដូង

ប្រិយមិត្តបានដឹងរួចមកហើយថា បន្ទាប់ពីស្ពាយឈ្មោះជាមេម៉ាយមកជាច្រើនឆ្នាំកាលពីពេលថ្មីៗកន្លងមកនេះ តារាស្រីស្រស់ Pat ក៏ទើបតែរកឃើញអ្នកស្អំបេះដូងថ្មីដែលជាប៉ូលិសវ័យក្មេងមានរូបសម្រស់ស្រស់ស្អាត មានឈ្មោះថា Nine Napat ។

ក្រោយពីទាក់ទងគ្នាមក គេសង្កេតឃើញថាគូស្នេហ៍អ្នកមេម៉ាយរូបនេះតែងបានបង្ហាញពីភាពផ្អែមល្ហែមលើបណ្ដាញសង្គមមិនសូវជាដាច់នោះទេ។ ជារឿយៗ រាល់ពេលថ្ងៃបុណ្យ ឬ ឱកាសពិសេសណាមួយអី អ្នកកំលោះ Nine ដែលជាសង្សារថ្មីរបស់ Pat តែងតែបាននាំ Pat និង កូនទៅសាងភាពរ៉ូមេទិករហូត។

ដោយឡែក មួយរយៈចុងក្រោយនេះ គូស្នេហ៍តារាគូនេះហាក់ស្ងាត់ដែលធ្វើឱ្យមហាជនកើតក្ដីងឿងឆ្ងល់។ តួយ៉ាងកាលពីពេលថ្មីៗនេះ កាន់តែធ្វើឱ្យមហាជនកើតក្ដីសង្ស័យទៀតហើយបន្ទាប់ពីគេឃើញលោក Nine ចេញមកបង្ហោះសារហាក់ជាពួកគេបានចែកផ្លូវគ្នាបាត់ទៅហើយ។

តាមរយៈសារបង្ហោះនោះកំលោះ Nine បានសរសេរថា ៖ «១៤ កុម្ភៈ ទិវានៃសេចក្ដីស្រឡាញ់ឆ្នាំនេះ ខ្ញុំមិនទំនេរទេបាន ជាប់រវល់ធ្វើការ តែបើចប់ការងារទើបអាចទៅបាន»។ លើសពីនេះ អ្នកកំលោះរូបនេះក៏បានបន្ថែមទៀតថា ៖ «ត្រូវចិត្តតែមិនត្រូវគ្នា ដូចនេះមានតែនៅស្ងៀមកុំមាត់ ទុកវាជាមេរៀន»។

អ្វីដែលធ្វើឱ្យមហាជនកាន់តែសង្ស័យ និង ច្បាស់ថាពួកគេចែកផ្លូវគ្នាមែននោះគឺ ក្នុងគណនីអ៊ីនស្ត្រាក្រាមរបស់ពួកគេគឺលែង Follow គ្នាបាត់ទៅហើយ។ មិនត្រឹមប៉ុណ្ណោះគេក៏ឃើញអតីតសង្សារចាស់របស់ Pat បានចូលទៅចុចឡាចផងដែរ។

ទន្ទឹមនឹងការផ្ទុះសង្ស័យនេះ ស្រាប់តែមហាជនបានប្រាកដចិត្តហើយថា Pat ពិតជាបានចែកផ្លូវគ្នាពិតប្រាកដ ព្រោះនៅថ្ងៃទី ១៤ ខែកុម្ភៈ ឆ្នាំ ២០២២ នេះ គេឃើញហ្វេសប៊ុកផេកល្បីមួយឈ្មោះថា «Jmoy 108» បានចេញមកទម្លាយថា តារាស្រី Pat និង និង Nine ពិតជាបានចែកផ្លួវគ្នាមែន ដោយបានចែកផ្លូវ​គ្នាមុនថ្ងៃ ១៤ កុម្ភៈមកម៉្លេះ ដោយហេតុថាពួកគេទាំងពីររស់នៅជាមួយគ្នាមិនចុះស​ម្រុង ដោយពេលនេះប្ដូរឈ្មោះជាសង្សារមកជា បងប្អូនគ្នាវិញ។

តាមការសម្ភាសរវាងម្ចាស់ផេកខាងលើ ជាមួយនឹងតារាស្រី Pat គឺបានទម្លាយបន្ថែមថា ក្រោយពីបែកពីអ្នកកំលោះ Nine ពេលនេះ Pat កំពុងតែផ្ដើមស្នេហ៍ជាមួយអ្នកថ្មីម្នាក់ទៀតបាត់ទៅហើយ។ អ្វីដែលកាន់តែច្បាស់ គឺ Pat ខ្លួន​ឯងបានបង្ហោះថា ពេលនេះនាងពិតជានៅម្នាក់ឯងពិតមែន នៅលើគណនីអ៊ីនស្ត្រាក្រាមរបស់នាងផ្ទាល់៕