(វីដេអូ) មកដល់ទឹកដីខ្មែរភ្លែត Kratae បង្ហាញក្បាច់រាំបទ BONG របស់ OG Bobby និង វណ្ណដា ភ្លាម
បើនិយាយពីតារាស្រី Kratae Rsiam មហាជនភាគច្រើនមុខជាបានស្គាល់ច្បាស់ ថានាងជាតារាចម្រៀងស្រីដែលមានប្រជាប្រិយភាពមួយរូប មានសម្រស់ស្រស់ស្អាត ជាពិសេសជាតារាស្រីដែលអាចរាំបានយ៉ាងរស់រវើក រហូតជាប់រហស្សនាមថាជា «រាជនីរាំផ្នែកចម្រៀងស្រុកស្រែ» ថៃ។
កាលពីថ្ងៃទី ២៩ ខែតុលា ឆ្នាំ ២០២២ កន្លងទៅនេះ Kratae និងក្រុមការងារ បានធ្វើដំណើរមកកាន់ទឹកដីកម្ពុជា ដើម្បីច្រៀងក្នុងកម្មវិធី Halloween Party ដែលធ្វើឡើងដោយ QK Club។
គេសង្កេតឃើញថា គ្រាន់តែតារាស្រីរូបនេះមកដល់ប្រទេសខ្មែរភ្លាម នាង និងក្រុមរាំ ក៏បានថតវីដេអូរាំបទ BONG ដែលជាស្នាដៃរបស់ OG Bobby និងតារារ៉េបល្បីប្រចាំកម្ពុជា វណ្ណដា ភ្លាម។ ឃើញបែបនេះអ្នកគាំទ្រជាច្រើនក៏បានលាន់មាត់កោតសរសើរ និងបង្ហាញពីការស្រលាញ់តាមរយៈការបញ្ចេញមតិ និងចែករំលែកពីគណនីមួយទៅគណនីមួយទៀតពេញបណ្ដាញសង្គម៕
