(វីដេអូ) ស្តែងៗ កំពុងជិះលេងសប្បាយ ដាច់ខ្សែទោងកម្ពស់ ១៥ ម៉ែត្រ ធ្លាក់គ្រវែងគ្រវាត់យ៉ាងរន្ធ-.ត់

ថ្មីៗនេះ សារព័ត៌មានក្រៅប្រទេសបានរាយការណ៍ពីហេតុកាណ៍មួយ ដែលបានធ្វើឱ្យមានការភ័យតក់ស្លុតជាខ្លាំងនៅតាមបណ្តាញសង្គម ដោយមានគ្រឿងឧបករណ៍កម្សាន្តមួយគ្រឿងដាច់ខ្សែធ្លាក់ស្រស់ៗ ទាំងមានមនុស្សកំពុងជិះ ឃើញហើយបុកពោះខ្លាំង។

តាមព័ត៌មានបានឱ្យដឹងថា ហេតុការណ៍មួយនេះកើតឡើងកាលពីថ្ងៃទី ១៤ ខែធ្នូ ឆ្នាំ ២០២២ នាកម្មវិធីកម្សាន្តត្រៀមបុណ្យគ្រីស្មាសមួយកន្លែង នាទីក្រុងឡុងដ៍ ប្រទេសអង់គ្លេស។ តាមរយៈវីដេអូមួយនេះ បានបង្ហាញឱ្យឃើញថា គ្រឿងកម្សាន្តមួយនេះមានកម្ពស់រហូតដល់ជាង ១៥ ម៉ែត្រ មានខ្សែវែងចងភ្ជាប់ទាំងសងខាង ព្រមទាំងមានកន្លែងជិះមានរូបរាងដូចជាបាល់មូលមួយ។

ដំបូងឡើយ មនុស្សចំនួនបានពីរបីនាក់បានឡើងជិះ ហើយខណៈនោះស្រាប់តែមានខ្សែម្ខាងបានដាច់ ធ្វើឱ្យគ្រឿងនោះរបូតគ្រវាត់ទៅផ្ទប់នឹងសសររបស់វា ថែមទាំងគ្រលែងចុះគ្រលែងឡើង ធ្វើឱ្យទាំងអ្នកជិះ និង មនុស្សម្នាពីក្រោមទាំងឡាយ ភ័យបុកពោះស្លេកមុខ។ យ៉ាងណាមិញ ជាសំណាងល្អណាស់ ហេតុការណ៍មួយនេះមិនមានអ្នករងរបួស ឬ បាត់បង់ជីវិតនោះទេ ព្រោះតែមានការដាក់ខ្សែក្រវ៉ាត់សុវត្ថិភាពត្រឹមត្រូវ តែគេក៏សុំឱ្យមានការប្រុងប្រយ័ត្ន និង ការត្រូតពិនិត្យបន្ថែមមុននឹងដំណើរការលើកក្រោយផងដែរ៕

សូមទស្សនាវីដេអូខាងក្រោម៖