ដល់-ក! Engfa ស្លៀករ៉ូបដើរបង្ហាញមកុដយប់មិញ ឆែកខ្លាំងហួសក្រលៀន អ្នកគាំទ្រប្រហោងពោះពេលនាងបោះជំហានដើរ

ចាប់តាំងពីទទួលតំណែងជាម្ចាស់មកុដ ២០២២ នៅថ្ងៃទី ៣០ ខែមេសា ឆ្នាំ ២០២២ កន្លងទៅនោះ ប្រជាប្រិយភាពរបស់ Engfa Waraha បានបំបុកឡើងមួយកម្រិតទៀត ដោយសារតែរូបសម្រស់ ក៏ដូចជាអត្តចរិតរបស់នាង ព្រមជាមួយនឹងសមត្ថភាពសិល្បៈជាច្រើនទៀត។

ជាមួយគ្នានេះដែរ ដោយសារតែលទ្ធផលគាំទ្របែបនេះហើយ នាងមិនត្រឹមតែធ្វើឱ្យលោក Nawat ដែលជាស្ថាបនិករបស់កម្មវិធី Miss Grand លើកសរសើរពីនាងមិនដាច់ពីមាត់នោះទេ តែសូម្បីតែអ្នកគាំទ្រ ឬ តារាក្នុងសិល្បៈក៏សរសើរពីនាង និង ទទួលស្គាល់នូវសមត្ថភាពរបស់នាងយ៉ាងពេញៗមាត់ដែរ។

ដោយឡែក កាលពីរាត្រីថ្ងៃទី ៦ ខែមេសា ឆ្នាំ ២០២៣ ទើបនឹងកន្លងផុតនេះ ម្ចាស់មកុដ Miss Grand Thailand 2022 និង ម្ចាស់ជ័យលាភីលំដាប់រងទី ១ Miss Grand International រូបនេះ បានធ្វើឱ្យអ្នកគាំទ្រភ្ញាក់ផ្អើល និង ប្រហោងពោះជាខ្លាំង បន្ទាប់ពីបានឃើញនាងលេចមុខបង្ហាញវត្តមាននៅក្នុងកម្មវិធីបង្ហាញមកុដ Miss Grand Thailand 2023 ដោយនាងបានគ្រងឈុតដ៏សិចស៊ីមួយ ឆែកខ្លាំងរហូតចេញក្រលៀន តែយ៉ាងណាតាមរយៈឈុតនេះបានធ្វើឱ្យសម្រស់នាងកាន់តែទាក់ទាញ និង ស្រស់ស្អាត ដែលធ្វើឱ្យអ្នកគាំទ្រ និង អ្នកបានទស្សនាផ្ទាល់ឃើញហើយមើលចង់ភ្លឹក៕