អីយ៉ាស់! ប៊ី សុធារី និង ហេង បូនីកា ប៉ះគ្នាលើកដំបូងក្នុងរឿងប្រភេទ GL ថើបគ្នាយ៉ាងស៊ីអារម្មណ៍

និយាយពីកញ្ញា ប៊ី សុធារី និង កញ្ញា ហេង បូនីកា ក្រៅពីជាបវរកញ្ញាដ៏មានសមត្ថភាព អ្នកទាំងពីរក៏ជាតារាសម្ដែងស្រីដ៏ពោរពេញដោយទេពកោសល្យយ៉ាងប៉ិនប្រសប់ និង មានប្រជាប្រិយភាពតាមរយៈស្នាដៃសម្ដែងក្នុងភាពយន្តខ្មែរជាច្រើនកន្លងមក។

យ៉ាងណាមិញ កាលពីកន្លងទៅ តារាសម្ដែងស្រី និង ជាបវរកញ្ញាទាំងពីររូបនេះ បានធ្វើឱ្យមហាជនអ្នកគាំទ្រលើបណ្ដាញសង្គមផ្ទុះចាប់អារម្មណ៍ខ្លាំង ក្រោយបានឃើញ ប៊ី សុធារី និង ហេង បូនីកា សម្ដែងប៉ះគ្នាក្នុងភាពយន្តខ្មែរមួយដែលជាប្រភេទភាពយន្ត GL ស្រីស្រឡាញ់ស្រីដូចគ្នា។

ភាពយន្តខ្មែរប្រភេទ GL នេះ កំពុងតែផ្ទុះការចាប់អារម្មណ៍ខ្លាំង ជាពិសេសវីដេអូខ្លីៗនៃសកម្មភាពសម្ដែងរបស់ ប៊ី សុធារី និង ហេង បូនីកា ទទួលបានការសរសើរពីស្នាដៃសម្ដែងយ៉ាងប៉ិនប្រសប់របស់បវរកញ្ញាទាំងពីររូបនេះផងដែរ។

ដោយឡែក ថ្មីៗនេះ ប៊ី សុធារី និង ហេង បូនីកា កាន់តែធ្វើឱ្យមហាជនចាប់អារម្មណ៍ខ្លាំងទៀតជាមួយនឹងសកម្មភាពសម្ដែងរបស់អ្នកទាំងពីរ ដោយបានឃើញហ្វេសប៊ុកអ្នកដឹកនាំសម្ដែងលោក កៅ សីហា បញ្ចេញរូបភាពប៉ុន្មានសន្លឹករបស់តារាស្រីទាំងពីររូបនេះក្នុងឈុតថើមមាត់គ្នាយ៉ាងស៊ីអារម្មណ៍៕