(វីដេអូ) ឃាត់ខ្លួនបុរសតៃវ៉ាន់ម្នាក់ភ្លាមៗ បន្ទាប់ពីលូកលាន់លើស្រីស្អាតជា Influencer កូរ៉េដ៏ល្បី
ស្រីស្អាត Ohsevely ជា Influencer កូរ៉េដ៏ល្បីមួយរូប ដែលមានអ្នកតាមដានជាង ១១ម៉ឺននាក់នៅលើបណ្តាញសង្គម Instagram ថ្មីៗនេះ បានទម្លាយអំពីបទពិសោធន៍ដ៏អាក្រក់បំផុតសម្រាប់នាង អំឡុងពេលដើរកម្សាន្តតែម្នាក់ឯងនៅឯតំបន់ Tamsui កោះតៃវ៉ាន់។
អ្វីដែលនាងនឹកស្មានមិនដល់ក្នុងដំណើរផ្សងព្រេងដ៏រីករាយបានក្លាយជាបទពិសោធន៍ដ៏អាក្រក់សម្រាប់នាង ខណៈពេលដែលនាងបានជិះកង់រទេះជួល ហើយមានបុរសម្នាក់បានតាមនាងពីក្រោយ ដោយបន្តតាមនាងប្រហែលជាងមួយម៉ោង។
ប៉ុន្តែអ្វីដែលធ្វើឱ្យ Ohsevely រឹតតែមានអារម្មណ៍ភ័យខ្លាចខ្លាំង គឺបុរសម្នាក់នោះស្រាប់តែដើរមកហើយលូកដៃស្ទាបភ្លៅរបស់នាង ហើយភ្លាមនោះ នាងបាននិយាយទាំងភ័យថា៖ «កុំប៉ះខ្ញុំ…»។
ទោះជាយ៉ាងណាក៏ដោយ បុរសតៃវ៉ាន់ មាននាមត្រកូល Chen អាយុ ២៩ឆ្នាំនោះ ត្រូវបានប៉ូលិសតៃវ៉ាន់តាមចាប់ខ្លួនភ្លាម បន្ទាប់ពីការផ្សាយរបស់ Ohsevely នៅលើអ៊ីនធឺណេតបានប្រហែលជាពីរម៉ោង បើទោះជាពេលនោះ នាងមិនបានប្តឹងទៅប៉ូលិសរាយការណ៍ពីរឿងនេះក៏ដោយ៕
