(វីដេអូ) ដូចឱ្យប្រផ្នូល! Norith ទម្លាយពាក្យមួយម៉ាត់មិននឹកស្មានរបស់ YuuHai ដែលបាននិយាយទៅលោកពេលចូលប្រកួតដំបូង
ក្រោយប្រកួតយ៉ាងស្វិតស្វាញជម្រុះអស់បេក្ខជន បេក្ខនារីជាច្រើនរូប អស់រយៈពេលជាច្រើនខែកន្លងមក កម្មវិធីប្រកួតចម្រៀងរ៉េប The Rapper Cambodia បានបញ្ចប់ដោយជោគជ័យហើយ កាលពីរាត្រីថ្ងៃទី ២៤ ខែធ្នូ ឆ្នាំ ២០២៣ កន្លងទៅ ដោយម្ចាស់ជ័យលាភី បានទៅលើកំលោះសង្ហា YuuHai ដែលជាកូនក្រុមរបស់គ្រូបង្វឹកដ៏ឆ្នើម លោក Norith។
ក្រោយគណៈកម្មការទាំងពីរ ពោលគឺលោក វណ្ណដា និង លោក Juvie Lin ប្រកាសថា YuuHai ជាម្ចាស់ពានរួច ភ្លាមៗនោះ Rap Star ថ្មីរូបនេះ ក៏បាននិយាយថ្លែងអំណរអរគុណដល់អ្នកគាំទ្ររូបគេតាំងពីវគ្គដំបូងរហូតមកដល់ពេលនេះផងដែរ។
ក្រោយពីម្ចាស់ជ័យលាភីបានថ្លែងអំណរគុណចប់សព្វគ្រប់រួចមក បន្ទាប់មកក៏ជាពេលវេលារបស់គ្រូបង្វឹករបស់ YuuHai គឺ Coach Norith បាននិយាយពាក្យពេចន៍ក្នុងចិត្តទាំងអួលដើមក ពោរពេញដោយក្ដីរំភើបចេញពីបេះដូងយ៉ាងខ្លាំង។ ជាមួយគ្នានោះ អ្វីដែលធ្វើឱ្យមហាជនអ្នកគាំទ្រស្រែកហោរកងរំពងនោះ គឺបន្ទាប់ពី Coach Norith បាននិយាយមួយឃ្លាដែល YuuHai បាននិយាយទៅកាន់លោកដំបូងនៅពេលបេក្ខជនរូបនេះបានចូលជាកូនសិស្សរបស់គ្រូបង្វឹក Norith ឬ Team Nono។
ដោយលោក Norith បានលើកឡើងថា ៖ «YuuHai ជាបេក្ខជនមួយដែលចប់វគ្គ Audition ភ្លាមបានដើរទៅនិយាយជាមួយនឹងលោកតែម្ដងថា ខ្ញុំជឿជាក់ថាកូនក្រុមរបស់បងនឹងលើកពាន។ ដោយឡែក ពេលនោះលោក Norith ក៏បានសួរទៅកាន់ YuuHai វិញថា ហេតុអីក៏ច្បាស់ម្ល៉េះ? ក៏ប៉ុន្តែទីបំផុតគឺវាបានក្លាយជាការពិតមែន»៕
ចង់ជ្រាបកាន់តែច្បាស់ សូមចុចទីនេះដើម្បីទស្សនាវីដេអូ (នាទីទី 4:03:17)
