ហួសចិត្ត! នារីម្នាក់ ឃើញបុរសដើរតាមផ្លូវមុខមាត់ទំនងក៏បបួលទៅផឹកស៊ី តែគេប្រកែក បាក់មុខពេកក៏ចេញក្បាច់ឈិនឡុងរហូតចូលប៉ុស្ដិ៍ប៉ូលិស

សារព័ត៌មាន Mirror Media  បានរាយការណ៍ពីករណីដ៏គួរហួសចិត្តមួយនៅប្រទេសចិន ដោយមាននារីម្នាក់ហ៊ានចេញក្បាច់គុនទះតប់បុរសម្នាក់យ៉ាងកម្រោល ក្រោយពីខឹងរឿងមិនព្រមទៅផឹកស៊ីជាមួយខ្លួន។

តាមឃ្លីបវីដេអូបានបង្ហាញឱ្យឃើញថា មានបុរសនារីពីរនាក់ កំពុងតទល់ប្រើហិង្សាជាមួយគ្នាមួយទំហឹងនៅតាមផ្លូវ ដោយមិនខ្វល់ពីភ្នែកនរណាឡើយ។ ក្នុងនោះ ខាងស្រីហាក់កម្រោលចូល ដោយនាងបានទះតប់ខាងប្រុសមិនដកដៃឡើយ រីឯខាងប្រុសវិញក៏បានព្យាយាមតដៃ ប៉ុន្តែហាក់មិនចាញ់មិនឈ្នះសោះ។

យ៉ាងណាមិញ ក្រោយពីតទល់គ្នាអស់ចិត្តហើយ ខាងប្រុសក៏ត្រូវបានប៉ូលិសឃាត់ខ្លួន ហើយមូលហេតុវិញ គឺដំបូងឡើយខាងស្រីបានបបួលខាងប្រុសទៅផឹកស៊ី តែខាងប្រុសប្រកែក ធ្វើឱ្យខាងស្រីបាក់មុខ ហើយក៏កើតកំហឹងទៅទះកំផ្លៀងខាងប្រុស ទើបឈានដល់ការប្រើអំពើហិង្សាតទល់គ្នាយ៉ាងនេះ៕

ប្រភព៖ Kapook