Peach និង Ko Vasin ត្រូវមហាជនចាប់គូឱ្យសម្តែងរឿង BL ជាមួយគ្នាព្រាត ក្រោយធ្លាយរូបភាពស្វីត

មួយរយៈចុងក្រោយនេះ ក្នុងឧស្សាហកម្មកម្សាន្តប្រទេសថៃ ហាក់កំពុងតែមានសន្ទុះការគាំទ្រខ្លាំងចំពោះខ្សែរភាពយន្តប្រភេទ BL រហូតធ្វើឱ្យតារាប្រុសជាច្រើននៅក្នុងរង្វង់សិល្បៈថៃ ងាកទៅចាប់អារម្មណ៍ និង បានការសម្តែងរឿងបែបនេះព្រោងព្រាត។

ស្របពេលរឿងប្រភេទនេះកំពុងផ្ទុះល្បីខ្លាំង ស្រាប់តែថ្មីៗនេះមហាជនចង់ឃើញតារាប្រុស Peach និង តារាសម្តែងប្រុស Ko Vasin សម្តែងរឿងបែបនេះដែរ ដើម្បីបង្កើតចំណីអារម្មណ៍ថ្មី បន្ទាប់ពីគេបានឃើញតារាប្រុសពីររូបនេះ ថតជាមួយគ្នាយ៉ាងស្និទ្ធស្នាល និង ស័ក្តិសម ខណៈពួកគេបានទៅចូលរួមសម្ភោធរឿងភាគមួយ។ អ្វីដែលចាប់អារម្មណ៍នោះ តារាប្រុស Ko Vasin ក៏បានបង្ហោះសារដ៏ឆេះឆួលមួយទៀតថា ៖ «ចង់បានមួយរឿងអត់»។

ក្រោយពីឃើញតារាប្រុស Ko Vasin បង្ហោះសារបែបនេះហើយ  អ្នកគាំទ្របានចូលទៅបញ្ចេញមតិមិនបន្តាក់ដៃគ្នាឡើយ ដោយម្នាក់ៗថាចង់ឃើញអ្នកទាំងពីរសម្តែងរឿង BL ជាមួយគ្នា ព្រោះកន្លងមកតារាប្រុស Peach ក៏មិនដែលសម្តែងរឿងបែបនេះពីមុនមកដែរ៕