ផ្ទុះសរសើរ! នារីកូរ៉េ គ្រងឈុតប្រពៃណីខ្មែរយ៉ាងល្អល្អះបង្ហាញពិភពលោក រួចពោលពាក្យដ៏មានន័យពីទឹកដីកម្ពុជា

ថ្មីៗនេះ មហាជនអ្នកគាំទ្រលើបណ្ដាញសង្គមជាច្រើន កំពុងផ្ទុះការចាប់អារម្មណ៍ និង ចែករំលែកខ្លាំង ខណៈបានឃើញការបង្ហោះរបស់អ្នកបង្កើតមាតិកាហ្វេសប៊ុកដ៏ល្បីឈ្មោះ នារីកូរ៉េ បានតុបតែងខ្លួនគ្រងឈុតប្រពៃណីខ្មែរមួយយ៉ាងស្រស់ស្អាតល្អល្អះខ្លាំង។

ក្នុងនោះ អ្នកបង្កើតមាតិកាហ្វេសប៊ុកជនជាតិកូរ៉េរូបនេះ បានថតក្នុងឈុតប្រពៃណីដ៏ល្អឯករបស់ខ្មែរឈរនៅឯមុខព្រះបរមរាជរាំង ព្រមទាំងបានភ្ជាប់ជាមួយសារពោលពាក្យពេចន៍យ៉ាងមានន័យពីទឹកដីប្រវត្តិសាស្រ្តកម្ពុជា និង បង្ហាញទំហំចិត្តនៃក្ដីស្រឡាញ់យ៉ាងកក់ក្ដៅចំពោះប្រទេសកម្ពុជា។

ក្នុងនោះ នារីកូរ៉េ បានរៀបរាប់ភ្ជាប់ជាមួយរូបភាពថា ៖ «ប្រជាជនណាដែលព្យាយាមបំបាត់ប្រវត្តិសាស្ត្រ គ្មានភាពរុងរឿងទេ នាងខ្ញុំគាំទ្រ និង ស្រឡាញ់ប្រទេសកម្ពុជា»។

ក្រោយឃើញការបង្ហោះនេះដែរ មហាជនអ្នកគាំទ្រខ្មែរជាច្រើនបានធ្វើការចែករំលែក និង សរសើរខ្លាំងចំពោះនារីជនជាតិកូរ៉េរូបនេះ ពីទឹកចិត្តដែលស្រឡាញ់ប្រទេសកម្ពុជា និង ជួយផ្សព្វផ្សាយបង្ហាញពីវប្បធម៌ប្រវត្តិសាស្រ្តរបស់កម្ពុជាផងដែរ៕