(វីដេអូ) ទិដ្ឋភាពអ្នកគាំទ្រកម្ពុជាស្រែកហ៊ោ ពេល ប្រាសាទ ដាវីន ត្រូវប្រកាសចូល Top30 បើកទ្វារកម្ពុជាលើឆាក MU

កម្មវិធីប្រកួតវគ្គផ្តាច់ព្រ័ត្រ Miss Universe 2024 លើកទី ៧៣ ដែលប្រព្រឹត្តឡើងនៅប្រទេសម៉ិកស៊ិក នៅព្រឹកថ្ងៃទី ១៧ ខែវិច្ឆិកា ឆ្នាំ ២០២៤ ពេលវេលានៅកម្ពុជាបាន និង កំពុងតែដំណើរការឈានទៅរកម្ចាស់មកុដរាជិនីសម្រស់ Miss Universe ប្រចាំឆ្នាំ ២០២៤ ហើយ។

អ្វីដែលធ្វើឱ្យមហាជនអ្នកគាំទ្រខ្មែរមានការរំភើបចិត្តខ្លាំងនោះ មុននេះបន្តិចតាមការផ្សាយផ្ទាល់ ដែលកម្មវិធីបានប្រកាសពីបេក្ខភាព ៣០ នាក់ចុងក្រោយ ក្នុងនោះ ក៏មាន Miss Universe Cambodia 2024 អ្នកនាង ប្រាសាទ ដាវីន ទទួលបានឱកាសចូលដល់ Top ៣០ នេះហើយ។

ខណៈនេះដែរ ក្រឡេកមកមើលសកម្មភាពអ្នកគាំទ្រកម្ពុជា ដែលកំពុងមើលការឡាយបន្តផ្ទាល់ជុំគ្នានៅសាលមួយកន្លែង បានស្រែកហ៊ោលោតកញ្ជ្រៀវពេញដោយក្ដីរំភើប និង មោទកភាពខ្លាំងបំផុតចំពោះអ្នកនាង ប្រាសាទ ដាវីន រីឯមហាជនលើបណ្ដាញសង្គមវិញក៏កំពុងចែករំលែកកក្រើកបណ្ដាញសង្គម ព្រមទាំងកំពុងបន្តផ្ដល់កម្លាំងចិត្តយ៉ាងពេញទំហឹងដល់បវរកញ្ញារូបនេះដើម្បីឈានទៅកាន់ Top បន្តទៀត៕

សូមទស្សនាវីដេអូខាងក្រោម៖