តារាសម្ដែង Sool Cool ទឹកចិត្តកូនខ្មែរ ខំស្រាវជ្រាវរបៀបបត់សំពត់អប្សរាតាមចម្លាក់ប្រាសាទអង្គរ ស្នាដៃល្អដូចពិតៗ

តារាសម្ដែងប្រុសរូបសង្ហា Sool Cool កំពុងទទួលបានការសរសើរពីបណ្ដាអ្នកប្រើប្រាស់បណ្ដាញសង្គម ក្រោយលោកបង្ហាញស្នាដៃបត់សំពត់លំនាំតាមរូបអប្សរានៅតាមជញ្ជាំងប្រាសាទអង្គរវត្តយ៉ាងប៉ិនប្រសប់ បន្ទាប់ពីធ្វើការស្រាវជ្រាវរួច។

ការបង្ហាញស្នាដៃបត់សំពត់របស់លោក Sool Cool មិនត្រឹមតែមានភាពស្រស់ស្អាតប្រណីតទាក់ភ្នែកទេ តែក៏ហាក់ឆ្លុះបញ្ជាំងពីការថែរក្សា ការពារ និង ចង់បង្ហាញនូវសម្បត្តិវប្បធម៌ដ៏ល្អផូរផង់របស់ខ្មែរឱ្យអន្តរជាតិបានឃើញ មួយវិញទៀត ក៏រឹតតែចង់បង្ហាញថា កូនខ្មែរស្រឡាញ់ការងារវប្បធម៌របស់ខ្លួនមិនឱ្យបាត់បង់ឡើយ។

ការផ្សព្វផ្សាយបង្ហាញនូវសម្បត្តិវប្បធម៌ឱ្យកូនខ្មែរបានដឹង បានស្គាល់ឱ្យបានផុសផុលនេះ ធ្វើឱ្យមហាជនកាន់តែមានមោទកភាពចំពោះបុព្វបុរសខ្មែរយើង ដែលបន្សល់នូវភាពប្រណីតឥតខ្ចោះដល់កូនខ្មែរជំនាន់ក្រោយ៕

រូបភាព៖ Sool Cool