គំនិតល្អ! សិស្សសាលាមួយនៅកំពង់ស្ពឺ ដាំស្ពៃបានផលលក់មុខសាលា យកថវិកាសន្សំទិញសម្ភារជួយសិស្សខ្វះខាត

ជារឿងដ៏គួរឱ្យស្ងើចសរសើរ សិស្សានុសិស្សនៃអនុវិទ្យាល័យមួយ ស្ថិតក្នុងខេត្តកំពង់ស្ពឺ បាននាំគ្នាដាំបន្លែស្ពៃ និង ប្រមូលផលលក់មុខសាលារៀន គ្រាន់បានកម្រៃផ្គត់ផ្គង់ការប្រើប្រាស់ផ្សេងៗ ជាគំរូដ៏ល្អប្រពៃ។

ជាក់ស្ដែង បើតាមការឱ្យដឹងពីផេក Krou Cambodia នៅថ្ងៃទី ២៦ ខែសីហា ឆ្នាំ ២០២៤ កន្លងទៅនេះ បានបង្ហោះរូបភាពសិស្សានុសិស្សប្រមូលផលដំណាំស្ពៃ ព្រមទាំងបញ្ជាក់ឱ្យបានដឹងថា សកម្មភាពប្រមូលផលនេះ គឺធ្វើឡើងដោយសិស្សានុសិស្ស ដែលកំពុងសិក្សានៅអនុវិទ្យាល័យទីរួមខេត្តកំពង់ស្ពឺ ស្ថិតក្នុងភូមិសាស្ត្រខេត្តកំពង់ស្ពឺផ្ទាល់តែម្ដង។

តាមប្រភពបានបញ្ជាក់ឱ្យបានដឹងផងដែរថា ផលកសិកម្ម (ដំណាំស្ពៃ) ដែលបានប្រមូល និង បានដាក់លក់ គឺដើម្បីប្រមូលថវិកាសម្រាប់ទិញគ្រាប់ពូជ និង សន្សំទុក ដើម្បីទិញសម្ភារសិក្សាជូនដល់សិស្សមានការលំបាកក្នុងជីវភាព ហើយមួយផ្នែកទៀតទុកជាឥណទាន៕

ប្រភព ៖ Krou Cambodia