មិននឹកនាចូលសិល្បៈវិញ ស៊ីនឌី ចាយជីវិតជាថៅកែហាង រស់នៅបំពេញក្តីសុខឱ្យខ្លួនឯងយ៉ាងអភិជន

មហាជនអ្នកគាំទ្រដែលនិយមទស្សនាការសម្តែង Show បែបកំប្លែងៗ ដោយមានការសម្តែងពីតារាភេទទី ៣ កាលពីជំនាន់ឆ្នាំ ២០០០ និង ២០០០ ជាង ប្រាកដជាធ្លាប់បានស្គាល់មកហើយលោក ស៊ីនឌី ដែលទទួលបានប្រជាប្រិយភាពខ្លាំងកាលនោះ។

មកទល់ពេលនេះ រយៈពេលប្រមាណជិត ២០ ឆ្នាំមកហើយ ដែលលោក ស៊ីនឌី បានចាកឆ្ងាយពីវិថីសិល្បៈ និង បង្កើតមុខជំនួយផ្ទាល់ដៃជាច្រើននាពេលបច្ចុប្បន្ន។ យ៉ាងណា អតីតតារារូបនេះក៏នៅតែមានអ្នកគាំទ្រតាមដានជីវិតឯកជនរបស់លោកដូចដើម ពោលគឺតាមរយៈការតាមដានលើគណនីហ្វេសប៊ុករបស់លោកតែម្តង ដោយរឿយៗលោកមិនត្រឹមតែចែករំលែកបទពិសោធការងារផ្សេងៗនោះទេ លោក ស៊ីនឌី ក៏តែងតែចែករំលែកភាពសប្បាយរីករាយតាមរយៈវីដេអូរបស់លោកដល់អ្នកគាំទ្រ និង អ្នកលេងបណ្តាញសង្គមទៀតផង។

ដោយឡែក បើក្រឡេកមកមើលជីវិតឯកជនរបស់លោក ស៊ីនឌី ក្រៅពីរបររកស៊ីវិញនោះ មហាជនអ្នកលេងបណ្តាញសង្គមបានឃើញថា លោកសព្វថ្ងៃកំពុងតែរស់នៅលើគំនរទ្រព្យដ៏សម្បូរបែប ដោយមិនត្រឹមតែផ្ទះសម្បែង ឡានទំនើបទេ សូម្បីសម្ភារប្រើប្រាស់គឺសុទ្ធតែមានតម្លៃថ្លៃ ពោលគឺលោកប្រើប្រាស់សុទ្ធតែរបស់ប្រ៊េនៗកុម្ម៉ង់ពីបរទេសផ្ទាល់តែម្តង។ ម្យ៉ាងវិញទៀត លោក ស៊ីនឌី តែងតែចាយជីវិតម្នាក់ឯងរបស់លោក ដើរកម្សាន្តទៅឯក្រៅប្រទេសជារឿយៗ ដើម្បីបំពេញក្តីសុខរបស់ខ្លួនមានសុភមង្គលយ៉ាងអភិជនណាស់៕