មិនចាំបាច់មានសំបុត្រទេ ទស្សនាការប្រកួតកីឡាជឺជីតស៊ូផ្ទាល់នៅ OCIC ប៉ុន្តែកន្លែងអង្គុយមានកំណត់

នៅថ្ងៃទី ២ ខែឧសភា ឆ្នាំ ២០២៣ នេះសហព័ន្ធកីឡាជឺជីតស៊ូកម្ពុជា បានបង្ហោះសារលើហ្វេសប៊ុកផេកផ្លូវការ បង្ហាញពីកាលវិភាគនៃការប្រកួតកីឡាជឺជីតស៊ូ ក្នុងព្រឹត្តិការណ៍ការប្រកួតកីឡាស៊ីហេ្គមលើកទី ៣២ ដែលនឹងធ្វើឡើងចាប់ពីថ្ងៃទី ៤ ដល់ថ្ងៃទី ៧ ខែឧសភា ឆាប់នេះ។

សហព័ន្ធកីឡាជឺជីតស៊ូកម្ពុជា បានបញ្ជាក់ទៀតថា ចំពោះការចូលរួមទស្សនា និង ផ្ដល់កម្លាំងចិត្តដល់កីឡាករ គឺមិនគិតថ្លៃ និង គ្មានសំបុត្រទេ ប៉ុន្តែកន្លែងអង្គុយគឺ មានកំណត់។

គួរដឹងដែរថា ការប្រកួតកីឡាជឺជីតស៊ូ នឹងធ្វើឡើងនៅ OCIC ខណ្ឌជ្រោយចង្វារ រាជធានីភ្នំពេញ។ ជាមួយគ្នានេះដែរ សហព័ន្ធកីឡាជឺជិតស៊ូ ក៏បានអំពាវនាវឱ្យសាធារណជន អញ្ជើញទៅគាំទ្រអត្តពលិកជឺជីតស៊ូ ជម្រើសជាតិយើងទាំងអស់គ្នា នឹងបើកទ្វារទទួលអ្នកទស្សនា ៣០ នាទីមុនព្រឹត្តិការណ៍ប្រកួតចាប់ផ្ដើម៕

ប្រភព និង រូបភាពដោយ ៖ Ju-Jitsu Federation of Cambodia – សហព័ន្ធកីឡាជឺជីតស៊ូកម្ពុជា