(វីដេអូ) Song Hye Kyo ទឹកភ្នែករលីងរលោង រំភើបចិត្តត្រូវបានអ្នកគាំទ្រសិង្ហបុរីទទួលយ៉ាងកក់ក្តៅ
កាលពីថ្ងៃទី ០៥ ខែកញ្ញា ឆ្នាំ ២០២៣ តារាសម្ដែងស្រី Song Hye Kyo បានមានវត្តមានចូលរួមក្នុងព្រឹត្តិការណ៍បើកបង្ហាញគ្រឿងអលង្ការ Chaumet ដែលជាម៉ាកល្បីរបស់បារាំង នៅក្នុងប្រទេសសិង្ហបុរី។
ក្នុងព្រឹត្តិការណ៍នោះដែរ តារាស្រីរូបនេះ បានធ្វើឱ្យអ្នកគាំទ្រជាច្រើនឈ្លក់វង្វេងនឹងសម្រស់នាងយ៉ាងខ្លាំង ប្រៀបដូចជាព្រះនាងក្នុងរឿងនិទាន ពាក់នូវឈុតគ្រឿងពេជ្រដ៏ប្រណិត ប្រដេញគ្នាភ្លឺចែងចាំងទាក់ទាញភ្នែកអ្នកជុំវិញនោះឱ្យតាមសម្លឹងលើនាងមិនឈប់។
អ្វីដែលកាន់រំភើបជាងនោះគឺ ឃ្លីបវីដេអូរបស់តារាស្រីរូបនេះ និយាយស្វាគមន៍ទៅកាន់អ្នកគាំទ្រសិង្ហបុរី ភ្លាមនោះដែរ ក៏បានឮសំឡេងស្រែកហ៊ោរយ៉ាងកងរំពងរបស់អ្នកគាំទ្រនាង បានស្រែកហៅថា៖ «Song Hye Kyo!» ខ្លាំងៗរហូតធ្វើឱ្យនាងទប់ចិត្តរំភើបមិនបាន ហើយក៏អរគុណជាពន់ពេកដល់ក្រុមអ្នកគាំទ្រនៅទីនោះ៕
