តុក្កតានាំរឿង! ប៉ុន្មានថ្ងៃនេះ Choi Hyun Wook ត្រូវគេនិយាយដើមច្រើន ក្រោយភ្លាត់ផុសរូបតុក្កតាមួយក្នុង Story IG ឆ្លុះឃើញរូបតឺនុយស៊ីវិល
កាលពីថ្ងៃទី ១៣ ខែវិច្ឆិកា ឆ្នាំ ២០២៤ កន្លងទៅ (ពេលវេលាក្នុងតំបន់) តារាសម្ដែងប្រុសរូបស្រស់ Choi Hyun Wook បានបង្កការភ្ញាក់យ៉ាងក្ដៅគគុកលើបណ្ដាញសង្គមនានា មិនថាតែ Instagram ឬ Facebook នោះទេ ក្រោយរូបលោកធ្វើការបង្ហោះរូបភាពតុក្កតា Bearbrick មួយលើ story IG របស់លោក។
អ្វីដែលធ្វើឱ្យមហាជន ក៏ដូចជាអ្នកគាំទ្រជាច្រើនភ្ញាក់ផ្អើលខ្លាំងរហូតនាំគ្នាចែករំលែកវែកញែកព្រោងព្រាតនោះ គឺដោយសារតែរូបតុក្កតាលោកបង្ហោះនោះធ្វើឱ្យគ្រប់គ្នាចាប់ភ្លឹកមើលលើរូបចំណាំងផ្លាតនឹងតុក្កតាហាក់បង្ហាញពីរូបភាពអាក្រាតកាយរបស់លោក។ យ៉ាងណាមិញ រូបភាពនោះដែរឥលូវនេះត្រូវបានលុបចេញពី story IG របស់ Choi Hyun Wook ហើយ។
ការភ្លាត់ស្នៀតបែកធ្លាយរូបអាក្រាតកាយរបស់តារាសម្ដែងប្រុសវ័យ ២២ ឆ្នាំរូបនេះដែរ បានធ្វើឱ្យមានការផ្ទុះវែកញែក និង ចែកចាយយ៉ាងព្រោងព្រាតពេញបណ្ដាញសង្គម បើទោះជាលោកខ្លួនឯងផ្ទាល់បានលុបចោលវិញហើយក៏ដោយ៕
