(វីដេអូ) ផ្អាកសិល្បៈមួយរយៈ អ្នកនាង យុគ ចិន្តា វិលត្រលប់មកបំពេញការងារវិញសម្រស់យ៉ាងស្រស់ស្អាត

ដូចមហាជនបានជ្រាបមកហើយ ក្រោយពីអ្នកម្តាយបានទទួលមរណភាពកាលពីអំឡុងខែកក្កដា ឆ្នាំ ២០២១ នោះ ពិធីការិនីដ៏ល្បីឈ្មោះ អ្នកនាង យុគ ចិន្តា ក៏ហាក់រយាលលើការងារសិល្បៈមួយរយៈធំ ដោយអ្នកនាងបានចំណាយពេលក្នុងការពង្រឹងមុខជំនួញបន្ថែមដូចជា ភោជនីដ្ឋាន ហាងកាត់ដេរ និង រីស៊តវិញ។

យ៉ាងណានៅក្នុងខែកុម្ភៈ ឆ្នាំ ២០២៣ នេះ អ្នកនាង យុគ ចិន្តា ក៏បានបង្ហោះវីដេអូ បង្ហាញពីសកម្មភាពនៃការថតកម្មវិធីថ្មីរបស់អ្នកនាង ដោយអ្នកនាងបានឱ្យដឹងថា អ្នកនាងវិលត្រលប់មកបំពេញការងារជាថ្មីហើយ ក្រោយផ្អាកមួយរយៈនោះ។

អ្វីដែលមហាជនហាក់ចាប់អារម្មណ៍ មិនត្រឹមតែរូបសម្រស់នៅចាំនោះទេ តែអ្នកគាំទ្របានលើកឡើងថា អ្នកនាង យុគ ចិន្តា ហាក់មើលទៅស្រស់ស្រាយយ៉ាងខ្លាំង ដោយការវិលត្រលប់មកបំពេញការងារជាថ្មីម្តងនេះ គឺពោរពេញដោយស្នាមញញឹមតែម្តង៕