រកឃើញហើយ! រាជិនីគ្រងមកុដ MU 2024 បានទៅលើស្រីស្អាតមកពីប្រទេសដាណឺម៉ាក
នៅថ្ងៃទី ១៧ ខែវិច្ឆិកា ឆ្នាំ ២០២៤ នេះ កម្មវិធីប្រកួតសម្រស់ដ៏អស្ចារ្យ Miss Universe 2024 លើកទី ៧៣ ដែលប្រព្រឹត្តនៅប្រទេសម៉ិកស៊ិក បានប្រកួតវគ្គផ្ដាច់ព្រ័ត្រ និង រកឃើញម្ចាស់ជ័យលាភីគ្រងមកុដ Miss Universe ប្រចាំឆ្នាំ ២០២៤ នេះហើយ គឺបានទៅលើបវរកញ្ញាមកពីប្រទេសដាណឺម៉ាក។
ក្នុងវគ្គប្រកាសលទ្ធផលផ្ដាច់ព្រ័ត្រនេះដែរ មហាជនអ្នកលេងបណ្ដាញសង្គមតាមដានវិស័យបវរកញ្ញាទូទាំងពិភពលោកកំពុងបង្ហាញការអបអរសាទរដោយការពេញចិត្តខ្លាំង ចំពោះម្ចាស់ជ័យលាភីគ្រងមកុដថ្មី Miss Universe 2024 គឺបវរកញ្ញាមកពីប្រទេសដាណឺម៉ាក ដែលនាងជាបវរកញ្ញាទទួលជ័យលាភីបន្ទាប់ពីប្រទេស Nicaragua នាង Sheynnis Palacios ម្ចាស់មកុដឆ្នាំ ២០២៣។
សម្រាប់បេក្ខភាពបវរកញ្ញាជើងខ្លាំង ៤ រូបទៀត មានបវរកញ្ញាមកពីប្រទេសវេណេស៊ុយអេឡា ជាប់ជ័យលាភីលំដាប់រងទី ៤ បវរកញ្ញាមកពីប្រទេសថៃ ជាប់ជ័យលាភីលំដាប់រងទី ៣ បវរកញ្ញាប្រទេសម៉ិកស៊ីកូ ជាប់ជ័យលាភីរងទី ២ និង បវរកញ្ញាប្រទេសនីហ្សេរីយ៉ា ជាប់ជ័យលាភីលំដាប់រងទី ១៕
