(វីដេអូ) អបអរ! រកឃើញម្ចាស់ពាន The Voice Kids រដូវកាលទី ៣ បានទៅកុមារ សារុំ បញ្ញាស័ក្ត
នៅក្នុងរាត្រីថ្ងៃទី ២៤ ខែធ្នូ ឆ្នាំ ២០២២ កន្លងទៅ កម្មវិធីប្រឡងចម្រៀងលំដាប់ពិភពលោក The Voice Kids Cambodia រដូវកាលទី ៣ បានឈានដល់វគ្គផ្ដាច់ព្រ័ត្រហើយ ដែលកម្មវិធីបានស្វែងរកឃើញនូវម្ចាស់ជ័យលាភីនៃកម្មវិធីប្រចាំរដូវកាលថ្មីនេះ។
ក្នុងរាត្រីនៃវគ្គផ្ដាច់ព្រ័ត្រនេះដែរ ក្រោយបេក្ខភាពជើងខ្លាំងទាំង ៦ រូបធ្វើការប្រឡងប្រជែងបង្ហាញសមត្ថភាពរៀងៗខ្លួនហើយ ជាលទ្ធផលចុងក្រោយម្ចាស់ជ័យលាភីពានរង្វាន់ក្នុងរដូវកាលថ្មីនេះ គឺ បានទៅលើបេក្ខភាព សារុំ បញ្ញាស័ក្ត ដែលជាកូនក្រុមរបស់គ្រូបង្វឹក ហ្សូណូ។
ក្រោយប្រកាសពីម្ចាស់ជ័យលាភីរដូវកាលទី ៣ នេះ ផងដែរ មហាជនក៏ដូចជាអ្នកគាំទ្រតាមដានកម្មវិធីប្រឡងចម្រៀងទូទាំងប្រទេសកំពុងបង្ហាញអារម្មណ៍រំភើប និង ធ្វើការអបអរសាទរ ព្រមទាំងបង្ហាញការស្រឡាញ់ចិត្តយ៉ាងខ្លាំងចំពោះបេក្ខភាពរូបនេះ ដែលឃើញថាស័ក្តិសមបំផុតជាម្ចាស់ពានក្នុងរដូវកាលនេះ៕
