(វីដេអូ) ទៅទទួលដំណើរ ប្រាសាទ ដាវីន ដល់ព្រលានរួច តារាស្រី Kon Ant ឆ្លៀតបង្ហើបដំណឹងភ្ញាក់ផ្អើលមួយលើវិថីបវរកញ្ញា
និយាយពីតារាស្រីរូបស្រស់ សុខគា គីមលាង ហៅ Kon Ant កន្លងមក តែងឆក់ការចាប់អារម្មណ៍ខ្លាំងពីមហាជនអ្នកគាំទ្រលើបណ្ដាញសង្គមជាមួយនឹងរូបសម្រស់ រូបរាង មុខមាត់ដ៏ស្រស់ស្អាតរបស់នាង ដែលបានតុបតែងខ្លួនស្អាតៗប្លែកថ្មីៗ និង សកម្មភាពជួយផ្សព្វផ្សាយពីវប្បធម៌ខ្មែរផ្សេងៗជាច្រើន។
ជាមួយគ្នានោះ ដោយឃើញពីរូបសម្បត្តិ ក៏ដូចជាសមត្ថភាពផ្សេងៗ សុខគា គីមលាង ក៏ត្រូវបានមហាជនអ្នកគាំទ្រជាច្រើនបានជំរុញលើកទឹកចិត្តឱ្យនាងចូលប្រឡូកក្នុងវិស័យបវរកញ្ញាប្រកួតក្នុងកម្មវិធីណាមួយទៀតផង។
ជាក់ស្ដែង ថ្មីៗនេះ ក្នុងដំណើរត្រឡប់មកកម្ពុជាវិញរបស់បវរកញ្ញាចក្រវាលកម្ពុជាអ្នកនាង ប្រាសាទ ដាវីន ក៏បានឃើញវត្តមានរបស់តារាស្រី សុខគា គីមលាង បានទៅព្រលានយន្តហោះទទួលស្វាមន៍បវរកញ្ញារូបនេះដោយផ្ទាល់ និង បានធ្វើកិច្ចសម្ភាសជាមួយអ្នកសារព័ត៌មានបង្ហើបរឿងដ៏គួរឱ្យរំភើបមួយសម្រាប់អ្នកគាំទ្រ។
ក្នុងនោះ តារាស្រី Kon Ant បានបង្ហើបប្រាប់បងប្អូនមហាជនអ្នកគាំទ្ររបស់ខ្លួនទាក់ទងនឹងវិស័យបវរកញ្ញា ដែលកញ្ញាមានបំណងចង់រៀនយកបទពិសោធន៍ពីរៀមច្បង ប្រាសាទ ដាវីន ដើម្បីចូលប្រកួតកម្មវិធី Miss Universe Cambodia ឆ្នាំក្រោយទៀតផង។
លើសពីនេះ Kon Ant ក៏បានបង្ហោះសារលើហ្វេសប៊ុកនិយាយពាក់ព័ន្ធនឹងវិស័យបវរកញ្ញាទៀតថា ៖ «រាល់ការប្រឹងប្រែងខិតខំ និងបទពិសោធន៍របស់ខ្ញុំ នឹងធ្វើឲ្យ Universe ទទួលស្គាល់កូនខ្មែរកាន់តែច្បាស់ថា ប្រទេសតូចតែបេះដូងធំ គឺ Kon Ant Cambodia»៕
សូមចុចទីនេះដើម្បីទស្សនាវីដេអូ៖
