ទម្លាយប្រភេទកំពូលសត្វនាគប្លែកៗលើពិភពលោក ដែលអ្នកមិនទាន់បានដឹង!

កុម្ភៈ ៣, ២០២២

នាគ គឺជាសត្វល្មូនមួយប្រភេទ ដែលរមែងលេចមុខច្រើនលើរឿងព្រេងនិទានក្នុងវប្បធម៌ប្រពៃណីបណ្តាប្រទេសជាច្រើនលើពិភពលោក។ សត្វនាគដែលមានអំណាច និង បារមី ជាទីសក្ការៈនៃមនុស្សផងទាំងពួងត្រូវបានលើកតម្កើនថាជា នាគរាជ មានន័យថា ស្តេចនាគ។ នាគរាជលើពិភពលោកចែកចេញ ៣ ជាធំៗ នាគរាជអាហ្វ្រិក នាគរាជអាស៊ី និង នាគរាជអឺរ៉ុប។ ថ្ងៃនេះ «ប្រជាប្រិយ» មានកិត្តិយសសូមលើកយកប្រភេទសត្វនាគរាជប្លែកៗនៅបណ្តាប្រទេសលើពិភពលោក ប្រិយមិត្តអ្នកអានរួមមានដូចតទៅ ៖

១. នាគរាជអាហ្វ្រិក (នាគអេហ្ស៊ីប)

នៅក្នុងកំណត់ត្រាសាវតាទេវកថាក្រិកបុរាណ នាគរាជនេះមានឈ្មោះថា Aphophis វង្សត្រកូលត្រូវបានមនុស្សលោកហៅកាត់ថា APAP ត្រូវបានគេសរសេរនៅស.វទី ២២ មុនគ្រឹស្តសករាជ ដាក់ឈ្មោះតាមមហារាជរបស់អេហ្ស៊ីបនៅស.វទី ១៦។ នាគរាជនេះជាតួអង្គចិត្តអាក្រក់ ដែលពេលវាស្រែកម្តងៗ បង្កជាព្យុះភ្លៀង និង គ្រោះរញ្ជួយដី ធ្វើឱ្យជីវិតមនុស្សលើផែនដីរងទុក្ខវេទនាខ្លោចផ្សា។ ទ្រាំមិនបានមហាអាទិទេពរាជបិតាព្រះសុរិយា ព្រះអង្គរ៉ា បានប្រែក្រឡាជាសត្វទន្សាយ ហោះមកកាត់ក្បាលនាគអាផាបក្ស័យសង្ខារទៅហោង។